7
عروبة الإخباري – الشاعر اللبناني إلياس أبو خليل –
يا درب ماشي صوبنا، من بعيد
لا اليوم رح توصل.……..ولا بُكرا
هالشعب صدّقني شبع ….تنهيد
والخيط، دمعو. …….كسّر البكرة
الصورة يا استقلال…….نار وقيد
دولة ودويلة،…وواضحة الفكرة
وينو كميل،…..ووين مير مجيد
ل سكران فيهم مجدنا…سَكرة؟
صارو شبه صورة عا وجّ العيد
والمجد غاب ….وراحت الفَكرة
صارت الصورة بلون …الخيالات
وماتوا …..ولكن ذكرهم ما مات
وبقيو على جبين الدهر هامات
ويا ريح بدها تكسّر……. الأرزات
ورغم ل بقي من عيدنا …مرايات
تعكس شو مارق عالوطن خيبات
بتضَل ترخص الهم ……الدمّات.
وترسم وطن تا تخلد الذكرى
لكن لنا هاليوم …….قائد جيش
صار الرئيس……….وكلمتو حرّة
بهالعهد، للأرزة نّ ما طاب العيش
تقبّع شلوشا ……….وترحل لبرّا
