?مساء الورد ?
من مذكراتي الغاااليه على قلبي❤️
?فرحة امي بليلة العيد ?
بيتك يا امي كان احلى بيت بالحاره
مهو انتي المدلله عند جوزك واولادك
وانتي المعدله الضحاكه المضايفه اللي كل الناس بتحبك
يااما ويااما استقبل هالبيت ضيوفك واحبابك يمه
والغرفه اللي كان ممنوع حتى ندخلها
صاروا اولادنا ينطوا ويلعبوا فيها على كيفهم ليقولوا بس
مهو انتي علمتينا انه ما اغلى من الولد الا ولد الولد يا حنونه
وكبرتي يا امي و كبر بيتك وعجز
بعد ما اولادنا لعبوا ونطوا وكسروا اغراض التيته الحلوين
شوو كنتي يا امي حزينه على اغراضك اللي عم تخرب
وشو حاولتي تداري حزنك عنا
سامحينا يمه
كنا ملتهيين عنك وماخذتنا الحياه
ما هيه الحياه يمه كانت مع ترباية الاولاد صعبه كتيير?
كان فكرك اننا نحس بحزنك وببيتك اكتر من غير ما تحكي ما انتي نفسك عزيزه يمه انا اللي بعرفك
يمكن طولنا عليكي لسمعناكي بقلوبنا وشفنا الحزن بعيونك على بيتك اللي عم يكبر قدام عيونك
وبيوم قررنا انا وخواني نغيرلك الغرفه اللي بتستقبلي فيها احبابك
وغيرنا الغرفه وجبنا الكنب الجديد
بسس قبل العيد بيوم
وليلة العيد عشان يصير عيدك عيدين
نزلنا على السوق شرينا كلشي كان نفسك فيه بالدنيا صماديات سجاد ومفارش وكل زينة حلوه
و شرينا ضيافة العيد
ومضايف كريستال من اللي بيحبهم قلبك
وبعد ما اشغلناكي
رتبنا كلشي بمكانه
وحطينا المفارش والمضايف والحلويات وكللشي بتحبيه
وناديناكي يما تعالي شوي
ودخلتي الغرفه ما كنتي متوقعه احنا شو عملنا ولما شفتي غرفتك الحلوه كيف صارت
انتي ما شفتي كيف كانت الفرحه بتلمع بعيونك
مثل الالماس واحلى
احنا اللي شفناها يا حبيبتي
وكانه الزمن وقف فيكي ونسيتينا
كنتي تتطلعي بالاشياء بفرررحه كبييره
فرحتك هاي بكتنا دموع الفرحه يمه
كنتي مبسوطه كيف رجعت غرفتك صبيه زغيره
يااا ريتنا يمه قدرنا نرجعلك العمر مثل ما رجعناه لهالغرفه
اتطلعتي فينا وقلتي الله يرضى عليكم يمه ويفرحكم مثل ما فرحتوني
كانت احلى فرحه بحياتنا اننا نفرحك
بعدين انتي رحتي بسررعه?
ومن غير وداع يا فرحة عمري
ما دريتي بحالنا بعدك يا حبيبتي
شفتي اخواني يمه
اه شفتيهم
مش مصدقيين انك متّي وانقطعت الفرحه من الدار
و نعيمه
كانت تلفي من البلد على بيتك
وهيه عارفه انك مش فيه بس لانه بيتك ضل هو حضنها الدافي
وشفتي عايشه و سميحه و نعمه
ضلوا يزورا بيتك وينضفوه من خوف لتزعلي اذا تكركب
ويحطوا الراديو جنب راسك مثل كنتي تحطيه
وانا يمه
انا
شفتيني شو صار بحالي
اكرام حبيبتك
اخر العنقود اللي روحه معلقه فيكي
شفتيني كيف مثل المجنونه بدور على اي شغله ممكن تفرحك حتى وانتي فوق بالجنه
كنت بدي انجن
كيف اهديكي الفرحه وارجع اشوفها بعيونك
حطيت اكل للعصافير على الشباك ونويتهم لروحك
وسالت حالي معقول فرحة هالعصافير ممكن تفرحك يا حبيبتي
معقول اقدر اوصلك يمه
وبيوم نسيت احط الاكل
مر يوم ويومين
الصبح بكير وانا نايمه سمعت صوتك
كان صوت اكتر ما كانت صوره
حسيت فيكي اكتر ما شفتك
وقلتيلي بصوت واطي
اكرام يمه قومي حطي اكل للعصافير
لما صحيت وشفت العصافير على الشباك من غير اكل
عرفت انه كان شيء اكبر واعظم من حلم
كانت رؤيا
وعرفت اني بقدر اضل افرحك يا امي واوصلك واشوف فرحتي بعيونك وبصوتك بمنامي
عرفت انه اللي بيني وبينك ما انقطع ولااا رح ينقطع ي
يا حبيبتي يمه
لحد ما يجي اليوم
اللي نجتمع فيه
ويكون اللقاء هناك بالجنه
اللقا يا حبيبتي اللي ما بعده وداع
#اكرام_اسطى الشلالفة
