(فيديو) سيّدة بسري العجائبيّة

عروبة الإخباري  –

زلفا جورج عسّاف

بسري هالضيعة الجنوبيّة لبتحرسها سيّدة بسري العجائبيّة ، رابضة ع تلّة ببيوتها ومميزة بطيبة وكرم أهلها.

وبطلّ هيّ ع مرجها، لتتصبّح بشجراتو وجمال خضرته وهندسته الربّانيّة.

وبتعرّج ع التاريخ وبتسلّم ع حضاراتو العريقة، بآثارها القيّمة، لبتشهد ع أهميّة موقعها الاستراتيجي.

وبتبورد ع ضفّة نهرها وجمال ميّاتو واهميته بالجغرافيا اللبنانيّة، كونه ضمن ثروة لبنان المائيّة.

وبتتغنّج بالنسمات بمناخها ، وبتدغدغ خدودها لفحات الشمس، لبتنقاس  بوقتها ع حجر الضهر ، جارها مقابيلها ع هالجبل.

بسري يا ضيعة مقدّسة يا مباركة وحارستها ملكة السماء أمنا مريم، تحت عرش ثاني أقدم كنيسة بلبنان ١٢٥٢ م.

بسري يا مجد القدم وعراقة التاريخ وجمال السياحة، بسري يا موقع من مواقع الحضارة

بسري يا ضيعة معمّدة كموطىء قدم لملك الملوك،  يا ضيعة مرق فيها يسوع ورسم خارطة طريق لبشارته،

وقديش فيك الفخر يا مغمّسة بأصالة كلّ هالتاريخ.

 

 

 

شاهد أيضاً

جوليات أنطونيوس… أيقونة ثقافية وتُشعُّ بحب لبنان

عروبة الإخباري – الشاعرة والإعلامية المبدعة جوليات أنطونيوس تُعَدّ من الأيقونات الثقافية التي تُشعُّ بحب …