الحباشنة: هذا دليل تقصير الحكومة بتعاملها مع انفلونزا الخنازير

عروبة الإخباري – تحدث النائب صداح الحباشنة السبت، عن حقيقة تقصير الحكومة في اتخاذ الإجراءات اللازمة من أجل مكافحة مرض انفلونزا الخنازير، على حد تعبيره.

وقال الحباشنة عبر حسابه على موقع فيسبوك: “ردا على رواية وزير صحة حكومة الرزاز (حكومة الجباية الساقطة شعبيا) حول وباء انفلونزا الخنازير والإجراءات التي كان يجب أن تتخذها الحكومة وعلى كل واحد حاول ان يسحج ويحاول إخفاء حقيقة تقصير الحكومة على حساب صحة المواطن الأردني”.

وأضاف إنه ورده تعليق من طبيب مختص حول مرض انفلونزا الخنازير وتعامل وزارة الصحة معه، فقال: “وردني من د محمد خرفان طبيب استشاري أمراض سارية و نقص مناعة بورد أمريكي و مقيم في أميركا حول انتشار الانفلونزا في الأردن وفشل وزارة الصحة بالتعامل مع الأمر”.

وتالياً تعليق المختص:

“بما انهم عارفين انها صارت متوطنة في البلد endemic خصوصاّ H1N1 لازم التحضير كان في الصيف و عمل المطعوم متوفر و مجاني أو بأسعار رمزية، خصوصًا انه الكلفة المالية للتعامل مع وباء epidemic بيكون بتكلفة اعلى.

المستشفيات لازم تكون جاهزة للفحص السرع Respiratory Pathogen Panel اللي نتيجته بتطلع في ساعتين، و فحوصات تانية للحالات المعقدة مثل فحص PCR في المستشفيات المركزية لتأكيد التشخيص.

ما بعرف الرقم بالتحديد، بس الأردن كلها فيها اقل من عشرة اختصاص أمراض معدية للبالغين، و في نقص حاد بنفس التخصص من طب الأطفال ، و مع هيك في بطالة أطباء، طيب ما حدا فكر يبعث ناس لجامعات برا يتعلموا ؟

الحالات الصعبة بيكون معها التهابات بكتيرية مثل S.pneumiae و S. aureus و ممكن كمان يكون مضاعفات تانية متل فشل كلوي أو تنفسي، يعني بدك فرق كاملة مناوبة و على مدار الساعة، التعامل مع المضادات الحيوية و ضبط جرعاتها علم منفصل بحد ذاته، و التخصص فيه سنتين أو ثلاثة.

التعامل مع حالات المناعة الواطية، مثل مرضى السرطان و الزراعة و غيرهم، و عائلاتهم كمان، مين بيعمله؟ و كيف بيعملوه؟ في ناس بتعرف تتعامل مع هيك حالات؟

كوادر المستشفيات و الدفاع المدني والparamedics كم واحد منهم اخد المطعوم؟ و متى اخذه؟ المفروض اخذوه شهر سبتمبر أو اكتوبر بالكثير، في اميركا ممنوع تشتغل بدون إثبات المطعوم، أنا بصور إثبات المطعوم كل سنة و ببعثها لكل المرافق اللي عندي فيها شغل.

شو وضع غرف العزل و تجهيزاتها في المستشفيات الحكومية؟ و كم مريض في الغرفة؟ حدا بيعرف ؟خصوصاً مع الازدحام الشديد ؟

طيب عنا مختبر احياء دقيقة مركزي بيعمل شغل على هيك شغلات؟ اللي بسمعه كله من WHO ما سمعت أو قرات عن شيء اردني”.