عروبة الإخباري – عبر حسابها الخاص على موقع التواصل الإجتماعي نشرت الفنانة السورية أصالة عن طريق الخطأ صورة لبطاقات ابنيها علي وآدم في مدرستهما، وظهر في البطاقة هاتف أصالة الخاص والهاتف الخاص بزوجها طارق العريان وايضا عنوان منزلهما.
وعلقت أصالة على الصورة بالتالي: “بكره أول يوم لولادي علي وآدم بالمدرسة وهي المدرسه اللي تخرجت منها شامي بتفوق ولودي إبني مازال بيدرس فيها وللأسف بيعيد سنته الدراسيه بسبب حمله لمواد ما قدمها بالصيف بالشكل المناسب واقتنع بأنه هاد الدرس الحقيقي اللي لازم يتحمل نتيجته وما يعمل متل بعض رفقاته اللي كمان كان المفروض يعيدوا السنه وفضّلوا يروحوا مدرسه بتسمحلهم يكملوا وكأن شيئاً لم يكن”.
وأضافت أصالة: “مو هون القصه الموضوع أنه صاحبة المدرسه ومديرتها سيّده إسمها (سوسن دجاني) وأنا بحب هالست وبقدرها وبعشق إنسانياتها ورغم إنها غالباً مابتنتقدني على تدليعي لولادي إلّا إنها بتساعدني وكأنها من أهلي بتربيتهم، وكان إلها الفضل الكبير بتغيير بعض الأشياء اللي بتخصني أنا ولأنها قدوتي حسّنت بي كتير تصرفات كنت قد عجزت على إصلاحها، بدّي أشكرها على كل مافعلت معي ومع عيلتي وبدّي تتمنوا معي لآدم وعلي مستقبل عظيم بالعلم وبخبركم على خطوات لودي حبيبي وشعوره بدفع تمن شوية لعب بإعادة السنة”.
وختما أصالة بالتالي: “الله يوفق ولادنا كلهم ويكون بعون الولاد اللي الظروف ماسمحتلهم يروحوا مدرسه ويعيننا نساعدهم قولوا آمين”.