عروبة الإخباري –
هذا ما كتبته الاعلامية ميساء عبد الخالق بمناسبة زواج ابنة خالتها هيلدا عبد الخالق، عشنا سوا لحظات فرح وحزن، وتناغم أوقات واختلاف بغيرها، وكنتِ دائمًا قريبة من روحي. عشتي معي أقسى الأيام، الأيّام اللي حسّيت فيها كأنها نهاية الدني، إمّا على فراق الأحبة أو من أوجاع وانكسارات الحياة. وبهاللحظات، كنتِ السند الحقيقي إلي، وإلى ابني الوحيد.
كنتِ المعلمة بقلب أم، ومن خلال قلبك الدافئ على ماهر، عرفت إنو الأمومة مش بس بالإنجاب… الأمومة شعور وعطاء واحتضان، وأنتِ كنتِ المثال الأجمل لهالمعنى.
رغم الحزن اللي بقلبي، حزن يأبى يفارقني، وآخره على عمي الغالي… إجى زواجك ليضوّي قلبي بفرح كبير، كأنو الله بعتلي رسالة عزاء وفرح بوقت واحد. ما أشبه فستانك الأبيض بنقاء قلبك وروحك… وما أجمل إنو أشوفك عروس متألقة، تستحقين السعادة اللي رح تملّي بيتك الجديد حب وطمأنينة.
أنتِ مش بس ابنة خالتي… أنتِ أختي اللي ما ولدتها أمي، ورفيقة الروح كل العمر.
مبارك زفافك يا عروستي الجميلة، يا فرحة قلبي🩷..أنا وماهر منحبك❤️
ميساء عبد الخالق
