عروبة الإخباري –
ضيعتي مجبولة بقطع زغيرة…ضيعتي ثروة مغلفة بكنوز الثقافة..بيت شباب الحان ومعزوفة كمان..ضيعتي ملونة بريشة لغز والآداب..اديارك يا ضيعتي تنهيدة للزوار..لوحتا مجوهرة بإيد النحاّت..ضيعتي جنينة ورود وباقة اسرار..ضيعتي فخارة غفيانة ع عتبة الانوار…ضيعتي نغمة ايقاعا مكتوب بحبر الشعّار.ضيعتي دراج عم ترجعنا للطفولة..نحنا وع اول مفرق بآخر العتمة..ضوينا شمعات العين بكمشة آهات…مشينا تحت الشتي تنخفي الدمعة بكلمات ..ضحكنا سوا تنلمس النسيم بإيدينا…رحنا تنصلي ونسمع صدى الجراس بكنايسا…نلاقي العبرة ملفوفة بقماش احمر مكوٌن بخيط الديما…والمسبحة معلقة ع خيوط الايمان.ضيعتي جرة مسكوبة من ثقافات وفن وتراث واثار…ضيعتي كلمات مقطبة بحّب وامل وحداثة…ضيعتي صفوة من وطن وعنوقا من جذور الجذع الارزة مدروزة…ضيعتي يا ضيعتي يا قصيدة بإيقاع النور..ضيعتي ايد بالحرب كانت مشطوبة…ضيعتي نيسان وايار وآب وآخر ايلول وكوانين.ضيعتي سما بعيدة مغطاية ومغبشة بغيماتا البيضا ونجوما لعم تلمع ليليّة…ضيعتي همسة ورنة وزجل وعالطاولة بآخر السهرية شفة عرق…ضيعتي حبّ بيدق من نص القلب..ضيعتي القلب الموجود بنص الحب…ضيعتي شقاوة بلا شهاوة….ضيعتي نسر عم بيغط ع شجر العليّق والصنوبر والسنديانة لبعيدة لمشروحة وراقا عالطرقات الغريبة…والقناطر والقرميد يحكونا قصص يلي كل ثانية بالتنهيد بيزيد…بيت شباب كنوز موزعة بهدايا بقماش ملفلفة ع دراج قصور وبيوت زغيرة…بيت شباب ضيعة بين الوديان بترحب فيها بسكنتا وبيطل عليها صنين تيزينا ببياض الورد والتلج والالفة والنهوض والعز.. انت يا ضيعتي اشواق بتنبض للحكاية…ضيعتي صفا وكمشة ايمان…ع زورقا فايقة الروح وحفيان الانسان عم يفوش ويشرح بأوطان حديثة وعصر جديد عم ينتشر وين ما كان بكل فخر
