كلام رايح جاي

عروبة الإخباري – عبير العربي –

عنيه مليانة مواضيع

وكلام رايح جاي

وحكايات من هنا وهناك

تطرح ميت ألف سؤال

عيون سرحانة منتبهة

تسألها.. تجاوب

وترجع شاردة

فيها أيوه نظرة

بالحب معترفة

وميت ألف قلب حاضر

عامل في العشق حضرة..

وغفلة ..تصحي الإحساس

وتضحى..زي ما كانت هايمة..

عيون عايشة قصة..

لا تشوفها ولا تعيشها..

تخاف يمكن قسوة..

موجودة بس راسية..

محتارة..فاكرة وناسية

حنية من طعم الجنة

يطعمني منها حته

أطمع في الباقي يطعم

وكأنه تمر حنة

حنونة ناعمة سهلة

اسيب السكوت فيها

استأذن ..تسحبنى خطوة..

يتكلم….

كل مواضيع عيوني

بتقولك بس بحبك

يا حكايتي رايح جاي

يا كلام من هنا وهناك

بحبك يا سكوت يتقال

يا كلام ساكن عيوني

ودايما محل سؤال.

orobanews

See Full Bio