8
بقلم سفيرة الكلمة الشاعرة والكاتبة جسّي مراد
وينك يا حبر ، ع ايا ورقة عم تنثر الدمعة ؟
خبرني بس كيف غفى جفنن العتمة بغياب؟
هاجرت القوافي بسفينة نوح او بقطار طليع ؟
والنسور لبعدا سهرانة ع شهقة خمراتُن؟
خبيت ع سطورُن نزفة صدف بعدا بكتابُن سرحانة ؟
صوتك متل نسمة صافنة ع باب بيوتك ؟
او ع درفة شباكك انهجرت الحكاية ؟
كيف انعزفت الحروف وع شموع النار طفت الشعور بلهفة سكوتك ؟
كيف مشيت ع بيادر الضمة ؟
والانين تحفت اغصانو من زغاريد البسمة؟
وين زتيّت البصمة ع أيا درج ..بين حجر وضجر؟
خليك ما بدك تضل تصلي ؟ بين الشهوة تحفر بصمة
وع منبر الالهام ختمت النقطة بلفتة.؟
حتى الظلام تمايل ع اطراف فراقك؟
لقيت بخور الشعر ملفلف بعبير النبض؟
عم يتسلل ع شلالات الحزن الغريبة ؟
…تيلون وراق الخريف من تاج العريشة النعسانة؟
الله يرحمك شاعر الزجل الكبير طليع حمدان
