7
عروبة الإخباري – لارا نون –
مندوّر عالحب…
ومننسى الغريب يلّي ابتسملنا من دون سبب…
ولقمة الخبز يلّي منلمّا من الأرض… ومنبوسها…
مننسى الولد يلّي ركض صوبنا… وغمرنا من دون ما نكون حاملين لعبة…
والختيار يلّي عم يدعيلنا عالرايح والجايي…
والدكنجي يلي كل ما نزورو بيقول “الله يرزقك”…
مننسى الصلاة يلّي منصلّيها كل ما نشوف سيارة اسعاف…
مننسى الوردة يلّي تفتّحت نهار زعلنا… وعناق غريب رجّعلنا الدم على عروقنا…
مننسى الناس يلّي إسمنا بصلاتن… والخير ال زارعينو بهالدني…
مننسى انو وقفنا حد ناس عالسكت… وربنا عالسكت رح يرزقنا…
مندوّر عالحب… والحب يلّي فينا…
مخزون أعظم وأرقى وأهم من كل مشتقات الحب “المنتهية الصلاحية”.
