عروبة الإخباري – لارا نون –
يمكن تعتبروها تافهة الخبرية… عادي… بس انا من الناس يلي بيآمنوا بالاعاجيب الصغيرة…
نازلة من مشمش على بيروت صباحاً… ومتل العادة بمرق حد الختيار… بسلّم عليه انا وبالسيارة… بحكيه كلمتين وبكفّي…
وإذ بلاقي نضال (الشخص يلي كان سندي بمسيرة مار شربل) طالع من باب الدير عال ٧ ونص…
وقّفت السيارة ونازلة حتى سلّم عليه… وإذ بشم ريحة بنزين مخيفة بالسيارة… طلع نضال عالسيارة زاحها على جنب وطبعاً في جيشي ساعدنا قدام الساحة مشكور… فتح الموتور… لاقى ماسورة البنزين فالتة…
يعني لو بقيت ماشية فيها للسيارة… ومسكرة الشبابيك… ما كنت شميت… ولا شفت… ولا دريت…
كانت ولعت السيارة عادي… وخلصت القصة…
هيدي رسالة للناس يلي متلي بيآمنوا بالتفاصيل الصغيرة يلي ربنا بيعملها بحياتنا… بيآمنوا بالتوقيت… بالاشخاص يلي ربنا بيحطن بطريقنا…
وانت يا مار شربل… ما بعرف شو بدي قلك… بس انت بتعرف شو في بقلبي… بحبك كتيرررررررر (ومتل ما بيقول ابني الصغير شربل: بحبك اكتر من الدني)…
شكرا!
