مفهوم الشهرة صار مشوه* الإعلامية باتريسيا سماحة

عروبة الإخباري –

عصابة التيك توك يلي ابتزت وصورت واغتصبت لقيت وسيلة لاستدراج الولاد …الفكرة انو العصابة موجودة واكيد لو ما في تيك توك كانت لقيت الف طريقة تانية واكيد التيك توك سهل ولو ما تاثروا الولاد بالتيكتوكرالمرضى والمجرمين ما كانو راحو لعندن …الفكرة انو مفهوم الشهرة صار مشوه …كيف يعني هودي صارو من المشاهير وعندن هلقد متابعين ….ليش شو عم بقدم مضمون  غير هبل وحركات بدو كفين عليا ليتربى وينضب…ويمكن العصابة المدعومة اكيد ما كانت رح توقف عند هيدا الحد …لان هول الفيديويات بينباعو وبطلعولن مصاري كتير…وما تنسو انو في شي اسمو تجارة اعضاء …الملف ما لازم يخلص لازم يتجرجرو كلن وخلونا نفهم ولادنا انو المسطول منو شهير وانو المسطول مريض وانو المسطول يلي عم يعطيك كنزة ببلاش بدو شي بالمقابل لانو ما في شي ببلاش . ..المسؤولية كبيرة ع الاهل وما رح اجلدن لانو اجتياح التكنولوجيا لبيوتنا ولعيلنا ولمفاهيمنا خلا بكتير مطارح الولاد يعرفو اكتر من الاهل بهيدا المطرح ….علموهن انو هيدا كلو وهم وما في شي منو حقيقي ….وهيدا الشر يلي عم يجتاح العالم تحت الف مسمى ما بينحل الا بالتوعية بالبيت وبالمدرسة…ما بقا تعلموهن تاريخ فات عليه الزمن علموهن كيف لازم يعيشو هلق ومن شو لازم ينتبهو…

وبترسيخ القيم والتربية الصحيحة وبالصلاة ..ايه بالصلاة

شاهد أيضاً

ترقب لافتتاح أكبر منتزه مائي بالشرق الأوسط

يترقب الجمهور افتتاح منتزه “أكواريبيا” بمدينة القدية، الذي يمثل نقلة نوعية في عالم الترفيه المائي …