اليوم عيد الحلوة حبيبة قلبي* باتريسيا سماحة

عروبة الإخباري –

اليوم عيد الحلوة حبيبة قلبي

اليوم عيد الست يلي نسيت حالها لنحنا نعيش

اليوم عيد امي يلي طوقتنا بالحب والامان لطلعنا شبعانين من كل شي بهالدني

اليوم عيد الحلوة يلي ولا مرة قالت عايزة شي او ناقصني شي وخلتنا نحس انو اغنى منها بالعالم كلو ما في

اليوم عيد امي وقلبها الحلو يلي ما بيعرف يكره ولا بيعرف يؤذي

اليوم عيد اللسان الصامت عن النميمة واخبار النسوان واخبار الحماوات واصلا ما معها وقت ومش فاضية

اليوم عيد امي يلي بعدها قبل ما تنام بتصلب علينا نحنا الاربعة وع كل الاتجاهات ومنشان هيك نحنا مناح

اليوم عيد امي يلي من اول ما بتفتح عيونها بتلفنلنا   بالدور منشان هيك نهاراتنا بتكون موفقة

اليوم عيد امي يلي من كم يوم سخنت وحسستنا انو نحنا الساخنين وهي المنيحة وكلمة ما بني شي ما بتفارق تمها

بدي قلك الله يخليلنا ياك وينعاد عليك بالاحلى يا ست الستات