عروبة الإخباري – أعلنت الممثلة المصرية راندا البحيري للمرة الاولى عن مثلها الأعلى في التمثيل والذي هو الممثل أحمد السقا.
ونشرت البحيري قائلة :”طول عمر الفنانة لو ليها قدوة بتكون فنانه زيها.. ولو نفسها تكون زي حد بيكون نفسها تبقي واحدة من زمن الفن الجميل زي ما بيسموه، واحدة من أيام الأبيض والإسود.. إللي بتقول أنا بعشق سعاد حسني واللي كان نفسها تكون شبه فاتن حمامة واللي واخدة من هند رستم قدوة ليها وهكذا.. ومن صغري ولما كان أي صحفي يسألني السؤال ده كنت بحتار حيرة غريبة.. كنت بفكر كتير.. لحد ما إكتشفت إني بكره فكرة القدوة لأسباب كتير”.
وتابعت البحيري :”بس فعلا لو حبيت أقتدي بحد.. ولو هقول مين أكتر فنان بيلهمني في الوسط الفني.. ومين من أكتر الناس اللي بحترمهم في حياتي.. وأتمنى إني أكون زيه.. وبحبه من قلبي رغم عدم معرفتي الوطيدة به.. وبيضحكني ويبكيني ويمتعني بفنه.. ويبهرني بحبه للناس وحب الناس ليه وحبه لشغله وإخلاصه له.. يبقي أحمد السقا”.
