بين التهاني والتأمل… وجدتُ نفسي من جديد

عروبة الإخباري – الإعلامية ميساء عبد الخالق –

بعيدًا عن السياسة، أتوجه بجزيل الشكر لكل من قدّم لي التهاني وكلمات المحبة والتقدير في عيد ميلادي، ولكل من أهداني لُطفه، سواء عبر الهدايا المعنوية (وهي الأثمن)، أو تلك العينية التي لا تقل أثرًا.

أُهدي نفسي بعض التأمل، بعد عامٍ شعرتُ فيه أنني كبرتُ سنواتٍ لا سنة واحدة، كان حافلًا بالإنجازات، لكنه لم يخلُ من الأوجاع والخذلان.

إلى نفسي: بعترف إنك تعبتِ كتير، وإنك عطيتي بصدق  بس من اليوم، بوعدك ما بقى رح أعرّضك لخذلان جديد.

رح أحبك أكتر، أحميك من الناس يلي ما بيفهموا قيمتك، ورح أوقف حدّك .

رح أسمعك لما تحسي بالتعب، وما رح أجبرك تكوني قوية لما بدك ترتاحي.

بوعدك ما ألومك على طيبتك، بس كمان… ما بقى رح أسمح لحدا يقلّل من قيمتها أو يتعامل معا كأنها ضعف.

إنتِ بتستاهلي راحة بال، وقلب ما ينكسر  من الأحزان وأوجاع الحياة.

ومن اليوم، أنا حدّك، لأني أنا أكتر حدا بيعرف وجعك… وبيعرف إنك ما عدتِ تتحمّلي زيادة.