عروبة الإخباري – عبير العربي
شبعنا من الدنيا
وشبعتنا شقا
وشاب شباب عمرنا
عايشين بنعد خطى
يالي الزمان عداك
ودعاك على إللي مجاش
بلاش تروح بلاش
واسمع مني أنا
أنا إللي كنت زمان
مأمنه للي حصل
لا حصدت تمن الصبر
ولا دوقت طعم العسل.
وأهو ده إللي حصل .
سبت مشوار حياة
مرسوم على وشي
لا يمكن أزور فيه
ولا أغش ولا أخفي
أنا الفخورة بنفسي
ولو فتحت لك كفي
هتشوف خطوط الخطى
محفورة من نقشي.
أنا العجوز الزاهدة
لكن رغم عني
لا كنت غاوية شقا
ولا حوجة تعذبني
أنا العجوز الزايرة
يادوب توصلني
خليك حنين وقتها
الدنيا عصرتني
وقول كلمتين حلوين
يمكن تصبرني. واسامح في آخر نفس.
وادعيلي يغفر لي
على نصيبي من الدنيا إللي مأخدوتش
واقسم برب العزة
أنا أصلا مشفتوش.
خليك شاهد يومها
إني أمنتك
خليها بقا في سرك
والسر متبحوش
سلام على سري
وعلى إللي امنته عليه
وامنتك إنك تدعي
إني في القبر آلاقيه
يفتحلي باب جنة
واصير يومها شابة
في عمر التلاتين
وأنسى كل السنين
وحتى دى الشكوى
اسألها في الجنة
حضرتك قاصدة مين